曾經恥笑同o係lady first開咪喪話:

係一懶TRENDY人先會用！！

而且缺點多多，連藍芽都無，

仲要價錢抄到咁高？！一都唔值囉！！

我知阿少爺K一路都想要，

第一代已經想，出左第二代仲想，

成日開個"蘋果網"黎睇，

我忍唔住都要"疾"佢兩句；

"你唔係想買呀話？！"side"錢！！"

佢話："睇下之嘛..."

之後一路都無再响我面前睇o個個website...

之不過，我係好留意佢小動作...

見朋友有i phone就忍唔住同人討論，

每次最尾o個句都係"我都有諗過買..."，

"不過我女朋友唔俾囉...X!" 哩句應該係佢"心諗"。

適逢下個月係佢生日，

我重要去左加拿大登台陪唔到佢...

我諗左好耐...

我諗i phone會係一個最好禮物，

而且會令到我嘅內疚感減低少少。

前兩天終於送左俾佢，

望住佢又驚又喜嘅表情，

其實咩都沒所謂啦~

見到佢咁開心咁滿足嘅樣，

咩都值得嘅。

哩兩天佢一返到屋企就不停咁玩個iphone，

連去厠所都玩...

我真係忍唔忍同佢講：

如果個電話唔係我送嘅話，

我一早掟鬼爛佢！！

佢竟然理直氣壯同我講：

就係因為你送，我先咁咋！

真係吹脹！！！

...

不過好在係甜嘅...