有眼影有胭脂，但係成個感覺都好輕，好清新。

但係香港既女仔就鐘意好濃妝，

個Ｄ粗黑眼線，誇張眼睫毛，都係佢地每日必備既!

好多個都話無左呢兩樣野絕對吾可以出街!

最搞笑係好多次我問個model一陣化個妝駛吾駛好濃架?

佢地梗係會話:吾駛!我鐘意natural!

ok，咁我就化個比我心目中既natural濃少少既妝(就番Ｄ香港人)，

結果?

佢不停話個眼影吾夠深，眼線吾夠黑，仲要一定痴眼睫毛添!

老實講，我已經對呢個情況見怪不怪，

如果客人無咩特別要求，我都由得Ｄ model自己加妝加裝加妝!

由原先所謂既natural，改妝改到好似去夜總會開工妝咁，

仲要一副佢自己先化得掂佢自己個樣咁!

真係吾該晒!

佢化到自己好似去夜總會咁都話吾濃妝，

吾通化到好似"阿梅"咁先叫濃妝?

真係"啤"一聲!

大佬呀，我吾識化濃妝咩？

不過我吾覺得個job既拍攝場地係cafe/屋企/公園，都要化夜總會妝囉!OK?

natural妝係化左都吾覺得化左，但係又成個樣精神左既妝先叫natural妝!

眼線吾會好粗黑，眼影只會做眼部輪廓架咋!

不過算啦，我接受現實，

做野時就做客人想要既野就ok啦~~

香港人就係鐘意咁既妝，你要堅持吾化，以為可以教育人地?

咪玩啦，人地會以為你吾識化!